Mtoto abakwa Uwanja wa Fisi

Jana tarehe 30 Machi nilikuwa nikipitapita pale uwanja wa fisi nikasikia vijana wakisemasema kuwa kuna mwenzao aliyemchukua mtoto mdogo akaenda naye.

Mtoto huyo alimwelezea kuwa alifukuzwa kule anakofanyia kazi za ndani alipofukuzwa akawa anahangaika huku na huko mara akaibukia uwanja wa fisi akakutana na huyo kijana ambaye alimwelezea matatizo yake. Huyo kijana akamuuliza anatokea wapi mtoto akamjibu kuwa anatokea Singida. Hapo akamwambia kuwa yeye ni kaka yake kwa hivyo akaenda naye hadi kwake.

Mtoto alipoamka asubuhi akiwa anakunywa chai mgahawani watu waka mwona amechafuka damu na hawezi kutembea wakaanza kumuuliza amepatwa na nini. Huyo mtoto akawaeleza habari yote. Mimi nilipoulizia huyo mtoto yuko wapi nikaonyeshwa yule pale, nikaenda kumwambia akimaliza kunywa chai aende pale kwenye kontena maana anaitwa. Alipofika pale akatoa habari zake na hapo hapo akapokelewa na nilisikia wakisema watampeleka Bunju ambapo kuna kituo cha kuwasaidia watoto wenye matatizo kama hayo.